June 17, 2021. Assam Lakhimpur district te 21 umer maiki para bacha twins paikena Covid-19 bemar para morishe koishe. Etu mora manuh toh Garchiga, Nowboicha te thaka manuh ase. Khobor hesab te, etu maiki para twins bacha delivery beche tai laga halat toh beya hoishe, etu nemite tested kora te tai logot Covid-19 positive paishe koishe. Etu samai, 24 gonda pithor Lakhimpur district te Covid19 bemar para aro 4 jun morishe koishe. Etu mora manuh khan sob toh district laga bosti jaga para ase aro 1 jun toh tea estate te boha manuh thakishe. Etu melaikena Lakhimpur district te Covid-19 bemar para 64 manuh morikena ase. Sob melaikena district te Covid-19 bemari cases toh 4,989 ase aro 1 din pithor te bemari cases toh 131 thurishe.
Sob melaikena district te active cases toh 1,121 ase aro district te melaikena positive rate toh 3.38% hoikena ase aro etu oper te 3,804 neshina bemar bhal hoikena ase.
