June 17, 2021. Tripura te Left parties para fuel daam othi-thaka nemite 9 din protest kora programme thakiboli ase koishe. Tripura te etu protest toh Left parties para desh pura te fuel daam otha nemite demonstration koriboli ase koishe. Etu protest toh June 20 darik aro June 28 darik dak koriboli ase koishe. Tai laga plan kora demonstrations junai deya te, Tripura state committees- CPI-M, CPI, RSP, Forward Bloc, aro CPI-ML para four-point charter demand koribo koishe. Joint statement te Left parties para koishe ke, 5 state te Assembly elections komti howa beche Centre para petroleum products te 23 times fuel laga daam toh othishe. “etu nemite inflation othishe aro wholesale laga daam toh be 11 saal majot te sobse oper ponchise,” koikena joint statement te janaishe. “passenger fares aro freight laga daam otha nemite manuh khan besi dukh te ase. Tripura te, mustard oil 1 liter laga daam toh Rs 200 hoishe aro etu oper te desh te second wave COVID-19 nemite 2 crore atha manuh kam jaishe,” koikena Lest parties para janaishe. “besi bhal para jani ase ke, government toh plans, activities aro vaccinations kam koriboli naparina ase. June moina te manuh mora average toh hoita din 7 hoishe. Itya Covid bemar manuh nemite ghor te quarantine samai eku medical care nathaka hoishe. Etu nemite government toh aram para thakiboli naparibo,” koishe. Left parties laga 4 demand toh- government laga poisa para universal vaccination thiboli lage, COVID-19 bemar para mora ghor manuh logot Rs 10 lakh thibo lage, petrochemicals te excise duty hataboli lage aro ration te non-withdrawal of subsidies hataboli lage koishe. Etu kam oper te Left parties para demand kora toh aro consumer saman aro tawai te poisa komti koriboli lage koishe.
Fuel daam otha nemite Left parties para 9 din protest
