June 17, 2021. Mizoram te komti hoilebi 236 manuh pithor te 4 security personnel logot for novel coronavirus positive thurishe, etu melaikena Mizoram te itya Covid-19 caseload toh 16,135 ase, koikena Thursday din official para janaishe. Etu oper te state te Covid-19 bemar para tui(2) jun morishe, etu melaikena 74 manuh morikena ase koishe. Notun cases thura pithor te Aizawl te 177 cases thurishe, Kolasib district te 25 cases, Siaha district te 12 cases, Lunglei district te 9 cases, Khawzawl aro Serchhip districts te 3 cases, Mamit, Lawngtlai aro Saitual districts te 2 cases aro Hnahthial district te 1 cases thurishe koishe. Etu notun cases thura toh ,021 samples test kora te ase aro bemari rate toh 7.81 per cent ase koishe. Indian Army para tui(2) cases, Border Security Force (BSF) para tui(2) cases, healthcare worker 1 jun aro bacha 40 jun logot bemar thurishe koishe. 4 jun manuh logot travel history ase aro baki 232 manuh khan toh bemar toh locally thura ase, koikena official para koishe. 137 bemar manuh logot Covid-19 symptoms pithor te, 93 jun toh asymptomatic aro baki 6 jun toh symptomatic naa nahoi khobor roki ase koishe. Mizoram state te itya dak Covid-19 samples toh 4,42,020 tested loikena ase. State immunisation officer Dr. Lalzawmi laga khobor hesab te, Wednesday din dak te 53,272 manuh logot tuita(2) doses toh be loikena ase janaishe.
Mizoram te 236 cases pithor bacha 40 samil ase
