Colombo: Monday te police koishe ke ISIS-linked Sri Lankan extremist group National Thowheed Jamaath (NTJ) logote Rs 140 million opor cash ase aro Rs 7 billion tok laga samaan khan ase. Tai khan toh Easter Sunday bombings nimite zimadar ase.
Police koishe CID khan para puchtach kura samay te sob assets aro cash thaka janishe.
Police spokesman SP Ruwan Gunasekera koishe adha cash toh CID custody para loi jaishe aro bachi kena thaka poisa toh alak alak bank accountys khan te pothai dishe. CID para etu account khan tho bon kuribole kadam uthai ase.
Gunasekera koishe April 21 attanki hamla te 250 opor manu mura pichete. Shaak te thaka 73 NTJ members khan ke geraaftar kurishe. Aro tai khan ke CID aro Terrorist Investigation Department (TID) para sawal kuri ase.
Tai koishe suspect te 54 manu khan ase aro etu te CID laga custody te saatha maiki bhi ase. Duita maiki toh TID laga custody te ase.
Add Comment