Rajkot, 9 February : India toh KL Rahul laga form dey ekta dangor boost paishey, kun third Test khilibo parey England laga khilaf Rajkot dey. Itu star khiladi ke Mumbai airport dey dikhi paishey pachina thakia Test matches laga team announcement nahua agey dey England laga khilaf. Itu homoi, Indian cricket team batter Shreyas Iyer toh pachina thakia three Test matches miss kuribo parey England laga khilaf. Iyer toh report hisab dey betting kuria homoi tai laga gomor stiff thakia aro tai laga groin area dey pikhai thakia laga complain kurishey. Virat Kohli laga participation bhi ekta doubt asey kitia BCCI toh itu matter dey chup asey kitia Jasprit Bumrah toh khilibo parey, juti reports para suggest kuri asey ki tai ke rest kuribo parey.
Board of Control for Cricket in India (BCCI) para Jasprit Bumrah ke third Test karnwy rest kuri diwoley upar dey eku confirmation nai. Workload management laga ekta part nishna, India laga itu apex cricket council para taikhan laga khiladi khan ke rest kuri thakey, huilewi kunwa reports suggest kuri asey ki Bumrah toh third Test match vs England khilibo.
BCCI selection committee para report laga hisab dey itu faisla toh Jasprit Bumrah laga haat dey rakhi dishey juti tai rest luwo na nao. Itu pacer t9h India laga jeet karney central thakishey second Test dey huilewi ekta nahuiley tuita matches ke miss kuriboley faisla luwo parey.
Add Comment