Bangladesh, 9 Febraury : India aro Bangladesh ke SAFF U-19 mahila laga Championship dey joint winners kuina janai dishey ekta dangor massive controversy piche dey Thursday dey. Itu tuita team toh penalty shoot-out dey 11-11 tie huina, India ke winner kuina declare kuri dishey ekta coin toss kurina huilewi itu faisla toh bheer aro Bangladesh team para manianai. Itu team aro bheer para ekta dangor protests kurishey aro olob time piche dey, India aro Bangladesh taijun ke bhi joint winners kuri diwoley faisla luishey. Itu match toh 1-1 khotom huishey regulation time dey aro India ke winners declare kuri dia piche dey, bheer para bottle khan aro alag saman phikaina khushu napa dikhaishey. Official khan para julti Indian khiladi khan ke field laga bahar ulai dishey aro 2 gondha nishna phabna kurina, tuita team ke bhi trophy diwoley faisla kurishey.
AIFF Acting Secretary General, M Satyanarayan kuishey : “India, juti coin ke spin kuria piche dey winners declare kurishey, trophy ke share kuriboley official laga request ke accept kuriboley faisla kueishey kitia itu situation toh dangor wala hui thakishey aro kunwa fans khan diktari dia shuru huishey. Khiladi khan aro alag team officials laga security muikhan laga sobse dangor priority hua karoney, AIFF para organisers laga request maniwoley faisla kurishey.”
India U19:
Anika Devi Sharubam (GK), Sonibia Devi Irom, Thoibisana Chanu Toijam, Viksit Bara, Pooja, Lalita Boypai, Sulanjana Raul, Nitu Linda (C), Neha, Sibani Devi Nongmeikapam, Heena Khatun
Bangladesh U19:
Goalkeepers: Rupna Chakma, Yasmin Akhtar and Eity Rani; Defenders: Akhi Khatun, Shamsunnahar (Sr.), Anai Mogini, Nasrin Akter, Nilufa Yesmin Nila, Afeida Khandaker, Unnoti Khatun and Kohati Kisku; Midfielders: Maria Manda, Monika Chakma, Shohagi Kisku, Shahada Akter Ripa, Ritu Porna Chakma and Marzia; Forwards: Shopna Rani, Tohura Khatun, Anuching Mogini, Halima Khatun, Shamsunnahar (Jr), and Rehena Akter
Add Comment