Geneva: Friday, Geneva te third Laver Cup laga opening din biche te Roger Federer aro Alexander Zverev duijun pora doubles te Jack Sock aro Denis Shapovalov ke harai di kena Team World te Europe karne 3-1 pora lead kuridise. 38 umar Swiss pora Zverev logot milki kena tai khan laga manu khan ke ektam khushi pai dise kintoh European pair pora Shapovalov aro Sock ke 6-3, 7-5 pora harai dise.
“T ennis players moi khan sob eksal te bura duniya te 10, 11 mohina berai,” Federer pora 18,400-crowd ke Palexpo arena te koise.
“Nijor laga jaga te khiliya nishena toh kot jaga bhi nai, etu pora etu rati toh moi karne ektam alak rati ase.”
American Sock pora Fabio Fognini ke 6-1, 7-6 (7/3) pora singles te John McEnroe laga visitors level te draw kuribole karne harai dise, Dominic Thiem pora Shapovalov ke chitiya biche te.
Hoile bhi Greek star Stefanos Tsitsipas pora Europe laga advantage ke Taylor Fritz ke super tie-break te 6-2, 1-6, 10-7 pora chiti kena restored kurise, aro Federer aro Zverev duijun pora Europe ke control te rakhise.
“Moi logot te duita coaches dhakise, ekta court te aro ekta sideline te (Nadal) pora moi ke hotai ki kuribole lage etu koi kena,” German Zverev pora koise.
“ektam phal dhakise. Moi laga dimag olap rokhai kena tai khan pora kowa nisina kuriole dhakise.
“Hotai karne mahhan toh taijun ase aro moi tai khan ke hunibole ase.”
Add Comment