Tokyo: Saturday te Japanese tennis khiliya Naomi Osaka pora Belgium laga Elise Mertens ke harai di kena Pan Pacific Open laga final te khushise.
Top seed Osaka pora No. 9 seed Mertens ke 6-4, 6-1 pora Western Japan Osaka te harai di kena tai Australian Open chitiya biche te aro final te bonji ase.
“Jowa dui mohina nishena hi olap dictary dhakise etu pora moi bishi kushi pai ase ki moi final te khushise,” Osaka pora koise.
Tai olap dhanda dhakibole kosish kurise kintoh 23 umar Belgian player toh “ektam asurat khiladi ase aro tai laga ball ke maribole ektam dan ase,” tai pora koise.
Olap din ake te, Osaka pora Yulia Putintseva ke straight sets te harai dise.
“Moi karne toh, Wimbledon te tai logot te khiliya somoy te bishi hiki ase, aro moi jane ki hard court toh moi karne aram jaga ase,” Osaka pora Putintseva ke harai diya biche te koise.
Jowa habta, Osaka pora jani di dhakise ki tai laga coach logot te tai chari ase koi kena, tai world ranking laga top te pora number four te nami jaa biche te sal laga second bar coach logot te chariya ase.
Final te tai laga challenger toh Russia laga 28 umar Anastasia Pavlyuchenkova hobo, etu manu pora Germany laga former world number one Angelique Kerber ke 6-3, 6-3 pora harai dise.
Add Comment