Paris, 18 August : England international Eric Dier competitive debut te score kurise AS Monaco karone, kun Saturday Ligue 1 campaign shuru kurise ekta comfortable 3-1 ghar laga jeet Le Havre upor te.
Le Havre laga defender Gautier Lloris laga own goal 32 minute te Monaco ke lead dise. Former Tottenham Hotspur aru Bayern Munich player Dier second goal add kurise hour mark pichete, Lamine Camara laga cross pora target paise.
Le Havre, kunn last season relegation playoff spot pora sirf ekta point up te finish kurise, 6 minute piche te tai back marise jitia Rassoul Ndiaye left pora cut inside kurikena low right-footed shot marise far post te goal paina.
Visitors equaliser try kurithakise kintu high defensive line karone punishment paise, jitia Denis Zakaria empty space utilize kurikena Le Havre box te ghusi jai cross kurise Maghnes Akliouche karone, kun close-range finish marise.
Earlier, Olympique Lyonnais bhi season winning start loise jitia Georges Mikautadze added time te goal dise first half end hobo age, aru RC Lens upor te 1-0 jeet loise.
Monaco, kun last season third finish kurise, August 24 te Lille visit kuribo, aru Le Havre Lens ke host kuribo.
Nice dangor bura start loise, ghar te 1-0 hari jaise Toulouse logot, jitia Djibril Sidibé last minute winner score kurise.
Marseille Friday te Rennes logot 1-0 hari jaise.
Add Comment