Agencies, 10 November: Saturday din Indonesia authorities pora plane keri kena 189 manu mora ke besari thaga toh napesaribo koise. Hoilebe tai khan Lion Air flight’s second black box deh sai thakibo koise. National search aro rescue agency (Basarnas) laga head Muhammad Syaugi pora media deh kowah toh, pesaribo karni eku nathaga hoise aro tai khan mora manu laga bodies toh napowah hoise koise. October 29 deh Boeing Co. 737 MAX passenger plane toh Jakarta pora ori kena olob minute howah bechide sea deh kera thakise. Syaugi pora manu laga bodies par khan toh 196 bags thakise aro forensic examination kora bechide 77 manu jani paise koise. Jowah hapta authorites pora ekta black boxes flight data recorder pora data download kora thakise. Hoilebe tai khan voice recorder deh besari ase. Transportation safety committee (KNKT) laga head Soearjanto Tjahjono pora voice recorder paise koile hatsa kee howah pora ase janipabo koise.
Lion Air kerikena hatsa howah ke besari thaga rokhise
Add Comment