Agencies, 30 September: Liverpool laga notun midfield sign kora Thiago Alcantara ke Covid-19 nemide positive test paise aro tai toh olob symptoms logode self-isolation te ase. Etu khobor toh Tuesday te Premier League champions para janaideya laga ase.
Spaniard toh etu moina agae hapta phal Bayern Munich para join howa laga ase aro tai Chelsea kelaaf 2-0 jeta te first ola (debut) bonaishe.
Liverpool laga first-team doctor Jim Moxon para COVID-19 test laga result publicly janaidebole laga toh individual opor te ase koise.
Tai koise, “Ami khan para sob protocols manishe aro Thiago toh phal para ase. Tai etiya guidelines hisaab te self-isolating te thakibo aro tai toh joldi korai ahibole biswas kori ase.
Liverpool toh Arsenal kelaaf League Cup laga last-16 te Thursday din khelibole ase aro Sunday din league action toh Aston Villa kelaaf korai ahibo.
Spain manager Luis Enrique para etu moina laga matches Portugal, Switzerland aro Ukraine logode lobole nemide tai khan laga team janaidebole ase.
Add Comment