Agencies, 30 September: Lionel Messi toh Barcelona logode chamela kothom koribole mon ase aro tai para club aro fans ke melibole (unite) hobole koise.
Transfer nemide kamiyaab nahowa bechide Messi laga interview toh second par he ase. Tai koise, Barcelona toh gara hobo judi sob melikena kaam kamiyaab hobole kaam koribole.
Tai para daily Sport te koise, “Besi namana bechide ami sob toh kothom koribole mon ase. “Ami khan Barcelona fans hisaab te ekta hobo lakibo aro ahibole din phal din thakibole biswas ase”.
Messi para club nemide goals tak ponjibole karni toh ekta hobole aro ek direction te jai thakibole laga he ase koise.
August moina Champions League laga quarterfinals te Bayern Munich logode 8-2 te hara bechide Messi toh Barcelona charibole mon howa thakise. Hoilebe tai laga jevaan laga club te legal battle nakoribole nemide club te thaki thakibole janaideya thakise.
Club te thakibole fesla bechide Messi para club officials ke kelaaf nahoile kushi napowa kotha koi thakise. Tai para club laga direction opor te kushi nai koise.
Messi para tai laga galdi nemide zamidari lobo koise. Tai para kebah kebi kora te manu khan ke kushi napowa thakise koile mondukh nahobole koise. Tai para ke toh korise etu toh club laga phal aro gara hobole nemide kora ase koise.
Sunday din Spanish league opener te Messi para ekta goal toh Barcelona para Villareal kelaaf 4-0 jeta te deshe.
Add Comment