Agencies, 29 September: Achanaka para key support staff members chara nemide Indian hockey team para olob samai karni full-time replacement nahowa tak tuita Dutch coaches junishe.
Last ek moina te, Hockey India’s high-performance director David John, analytical coach Chris Ciriello, aro physio David Macdonald toh personal karan nemide chara thakise. Etu chara nemide chief coach Graham Reid toh Bengaluru te jai thaka national camp te training loi thaka te besi support nathakikena shai ase.
Reid laga dukh komti koribole nemide In dia para Dutchmen Bram Lomans aro Dennis van de Pol ke toh dos-moina samai akrni junishe. Etu samai tai khan players ke coach koribo
Tui par Olympic gold medalist aro World Cup winner Lomans toh Ted logode kaam kori thakise. Etu toh, Etu Australian toh Amsterdam hockey club laga coach thaka samai te thakise. Tai toh Ciriello para zamidari lobole ase aro tai be penalty corner specialists te sabole zamidari thaka opor te analytical coach thakise. Van de Pol toh goalkeeping coach hobole ase.
Lomans aro Van de Pol para weekly schedule toh Reid ke debole bhabona ase. Tai khan be plans ola thakibo ground te tai khan laga training film kora thakibo. Videos toh tai khan ke pothaideya thakibo aro tai khan players one-on-one nahoile groups te online meeting toh hotai hapta te lowa thakibo.
Full-time coaching staff junibole nemide toh lamba process ase aro etu nemide Sports Authority of India para clearances lakibo. Women’s team coach Sjoerd Marijne ke assistant pabo nemide ek sal opor samai lakiya thakise.
Men’s team junibole nemide toh joldi korise hoilebe pandemic nemide travel restrictions deshe. Aro Ciriello aro Macdonald’s replacements toh ketiya appoint hobo aro team logode ketiya join hobo najani kena ase.
Etiya tak Reid ke toh junior coach BJ Kariappa para motob kori ase. Hoilebe tai toh aha moina tai khan laga camp ketiya suru hoi coaching te koraijabo pari.
Etu sal In dia te eku assignments scheduled toh nai aro filed te toh January 2021 para korai ahibo nesana ase. Hoilebe team ke toh Bengaluru te training loi ase aro full strength te korai aha toh poila six players COVID-19 positive powa khan bemari para phal hoikena korai aha bechide ase.
Add Comment