Agencies, 29 September: Zew Zealand te November 27 direk Eden Park jag ate West Indies kelaaf Twenty 20 match lobole ase. Etu agae te tuita Test series toh Caribbeans aro Pakistan kelaaf lobole ase. Etu khobor toh Tuesday te New Zealand Cricket para janaideya laga ase.
Cricket board koise, New Zealand government para West Indies aro Pakistan tours nemide green-light deshe aro Australia aro Bangladesh para February aro March te white-ball tours nemide manibole pari bhabona kori ase.
West Indies kelaaf tinta T20s bechide, New Zealand para Caribbeans kelaaf Seddon Park, Hamilton first test toh December 3 te khelibo aro second toh Wellington’s Basin Reserve jag ate Dec. 11 para lobo.
Black Caps para be Pakistan kelaaf tinta T20s toh tai khan test agae te khela thakibo aro first test toh Tauranga jag ate December 26 para khelibo aro second toh January 3 direk Christchurch jaga te khelibo.
New Zealand’s scheduled white-ball tour Australia te nemide toh jowa hapta January te postpone korise. Hoilebe Australia toh February 22 direk para New Zealand te five T20s lobole ase aro Bangladesh logode tinta one-day international aro tinta T20s toh March 13 para lobole ase.
Add Comment