DIMAPUR, NOVEMBER 2 : Nagaland Sorkar pora Supreme Court ke Nagaland state te 3 moina majutte Lokayukta anedebole kuribo koi kena kotha janaidiya bejete ACUAT Nagaland kan pora bi kotha janaise. Etu ke ACAUT Nagaland kan pora State Sorkar kan ke chulti pora etu Lokayukta aro Upalokyukta kan nemite anedebole kura Post khobor te (in Advertisement) janaidebole kuribi koi kena janaise. Etubi nai-nai koilebi 5 ta leading National News Paper khobor te 4 din majutte.
ACAUT kan porabi etu kotha janaidiya toh Nagaland Lokayukta Act 2017 hisabte hi janaidiya laga ase. Kele etu Lokayukta nahuile Upalukayukta nemite Naga manu kan member hobole karne ekta hisabte porahi manabo lagi koi kena ase. Etu karne Nagaland sorkar kan chulti pora etu Lokayukta aro Upalokayukta member nemite Naga manu anediya toh khobor te kobi 5 ta leading National News Paper te janaidebole aro ulaidebole kuribi koi kena janaise. Kele etu bejete Nagaland te 3 ta Member Commmittee thaka kan pora asul te husa kebi etu Lokayukta aro Upalokayukta nemite Naga manu anediya toh anedebole lagi na nalagi etu hisab kuridebole ase. Etubi Nagaland Lokayukta Act, 2017 laga Section 4 hisabte pora.
ACAUT porabi Suppreme Court kan etu Nagaland State Sorkar pora Local Law kobi Chief Minister’s Role hisabte pora etu Lokayukta nemite anedebole kura ke babuna kura aro khushi nabaa (observation and dissatisfaction) toh ekdam thik aro husa laga kotha ase koi kena janaise.
Add Comment