GUWAHATI, NOVEMBER 2 : Kunoba najana (suspected) United Liberation Front of Assam (ULFA) atankwatti pora Assam state laga Tinsukia District te Bengali Community kan 5 jun ke puntuk marikena muraidese. Etu karne alak-alak Political Parties kan rasta te (streets) Protest manaise aro ki-ki kan sob baan kuridese. Etubi pujut pora rati dak hisabte Protest manai kena. Aro etu Protest manabole kura toh alak-alak Bengali Organisations kan pora manabole kurikena mana laga ase. Etu ke dhukan, rasta aro bazaar kan sob baan kuride kena thakise koise.
Etu nahua chamala karne West Bengal Chief Minister Mamata Banerjee pora besi khilaf kurikena kotha janaise. Etu ke tai kan Trinamool Congress (TMC) toh tai kan state laga alak-alak jaka te Rally manabole kuribo koi kena janaise. Etu oporte tai laga Twitter Profile noksha bi khusha baa hisabte Solid Black Block kurikena thaka thalidese koise. Etu chamala nemite bi Assam state laga Guwahati aro Tinsukia jaka te Congress Party kan bi Protest manai kena thakise koise.
Khobor hisabte bi etu Atankwatti kan pora etu 5 jun ke puntuk lakai kena (Gunpoint) kena Kherbari Bisonibari jaka pora luijaise. Aro etu 5 jun ke Lohit nuti phale muraidese koise. Etu nahua chamala karne Assam Chief Minister Sarbananda Sonowal bi Chennai te thaka dara-dari Assam te wabas ahejaise. Aro tai etu nahua chamala nemite shant anedebole karne kusis kuri ase koise. Aro etu Assam CM porabi etu 5 jun ke kun pora muraidese etu kan ke nacharibo. Aro etu hamla kura toh bhoi-batala laga kam ase koi kena janaise. Assam Police kan bi etu hamla kura manu besari ase aro Police Chief Kuladhar Saikia aro Top Officers kan toh Tinsukia, Assam Capital Guwahati pora 500 km dur jaka te jai kena ase koise. Etu chamala nemite Army Sepai kan Assam-Arunachal Pradesh Border jaka te bhorta ki-ki saide kena thaki ase. Etubi Atankwatti kan bolai najabole nemite husir karne. Aro Assam Rifles sepai kan bi Indo-Myanmar Border jaka te ekdam husir pora ki-ki saide kena thaki ase koise.
Khobor hisabte Panbazar Police kan pora United Liberation Front, Assam-Peace Talks leader Mrinal Hazarika ke husir kotha janaide kena thakise. Etubi Bengali Organisation kan Citizenship (Amendment) Bill, 2016 nemite support kurikena thaka karne etu ULFA kan pora husir kotha aro ki-ki nahua kotha janaidiya pora. Etu bejete hi 5 jun manu kobi 3 jun toh ekta khor laga aro 2 jun nesena kan melekena Ludo khel kheli thaka laga ase. Etubi rasta kenar phale. Etu time te tai kan ke uthai luijai kena puntuk pora muraidiya laga ase koise. Etu mura kan toh Shyamlal Biswas, Ananta Biswas, Abhinash Biswas, Subal Biswas aro Dhananjay Namsurdra kan koi kena sob Bengali ase koise.
ULFA-I : Khobor hisabte etu Bengali manu 5 jun muraidiya toh Paresh Baruah pora ahkete luijai kena thaka Faction ULFA-Independent pora puntuk marikena mura laga ase koise. Huilebi etu mura ke ULFA-I kan pora toh tai kan pora mura nahui koi kena kotha janaise koise. Aro tai kan bi sob manu kan ke (Concern Authorities) etu 5 jun manu ke puntuk mari kena muraidiya toh tai kan nahui. Etu karne etu kotha ke pujibole kuribi koi kena janaise.
Add Comment