DIMAPUR, NOVEMBER 2 : State Bank of India (SBI), Dimapur pora poisa Rs. 80 lakh chur kuridese. Etu karne etu chur kura 60 sal dangor pura moda ke thuridese koise. Etubi Nagaland Police kan pora. Etu chur toh July 19 te ahe kena etu poisa Rs. 80 lakhs chur kura laga ase. Etubi SBI, Dimapur laga Main Branch ATM te thalidebole kuri kena thaka poisa.
Ahkete etu poisa harijaa karne 4 jun Guards kan Private Security Firm laga kan ke Police pora thuride kena thakise. Etubi tai kan pora chur kura hobole bari koi kena. Huilebi etu bejete last te etu asul chur toh thuribole barise. Commissioner Police, Dimapur, Limasunep Jamir pora Media khobor te Friday din janaidiya hisabte etu asul chur toh GS Mudallyar koi kena Tiruchipalli, Tamil Nadu pora ase. Aro tai ke thura toh October 28 te thura laga ase koise. Etubi Kolkata laga Howrah Station te. Aro etu poisa chur kura toh tai ekela porahi chur kura nahui. Huilebi tai logot 9 jun manu melekena chur kura laga ase koise. Etubi kathara ekta Group (Professional Network) kan. Aro tai kan etu poisa chur kurikena bhak kuridiya huise koise.
Add Comment