Jowah kali P.R Hill Colony, Kohima jaga deh Lower P.R Hill Youth Organisationtoh special guest Advisor for Rural Development, Dr. Nicky Kire logode 25 sal thaga laga kushi manaishe.
Function deh Dr. Nicky Kire para poila laga aro aji kali laga youth officials khan logode 25 sal phal para pongja karni congratulate korishe. Tai para be Village Adoption Committee, 9- Kohima Town logode footpath aro drainage thek time deh kothom howah karni kushi powah kotha janaishe. Tai para be Colony manu khan logode healthy lifestyle nemide osor-osor jaga sabha rakhibole janaishe aro town logode national highways deh beya kora pipelines phal para rakhibole request janaishe. Etu agae deh Lower P.R Hill Youth organisation laga monolith dekhishe aro Village Adoption Comittee 9- Kohima Town Assembly Constituency para Footpath aro Drainage bona ke inaugurate korishe.
SDO (C) Sadar Kohima and Convener Adoption Committee, Longasen Lotha para aji-kali laga youth officials khan logode poila time laga manu khan para parikena thaga ke bachabole aro ahhibole din laga youth khan logode example hobole janaishe. Tai para Advisor, Rural Development, Dr. Nicky logode para karni aro development kaam nemide thanks janaishe. Tai para be youths khan logode alag-alag kaam deh work hard kuribole aro besi phak healthy lifestyle karni colony sabha rakhibole janaishe.
Programme deh Shurhovinuo chair thakise. Welcome kotha Aowapang Paul, President Lower P.R Hill Youth Organisation para korishe. Katha kotha (short speech) Convener aro Chairman Panchayat, Ketsokhol Kennao aro Purana President Colony Youth Organisation, Kekhriezetuo Solo para korishe. Solo special song Imsensuba para gaishe aro vote of thanks General Secretary, Kevi Belho para janaideya thakishe.
Add Comment