Jowah kali (19th January 2019) Bhuj, Gujurat jaga deh Gujurat Adani Institute of Medical Sciences para program lowah time deh Nagaland laga Governor Shri P.B. Acharya toh students, Rotary members aro NGO’s logode kotha korishe.
Jama howah jaga deh Governor para kowah toh, nation othibo karni industries, trade aro educational institutions majode kotha toh koribo lagi. Etu para be youths khan pass out howah bechide kaam pabo karni motob pabole ase. Ami khan laga main agenda toh desh othibo karni hobo lagi koikena janaishe.
Governor Acharya para students khan logode work hard korikena goal toh nejor laga gyan para pabole janishe. Tai para be work culture toh dangor hobole aro entrepreneurship opor deh thek bhabona kuribole koise. Tai para moda aro maike khan nemide education toh sobse kaam wala ase koise. Tai para ami khan toh kaam besara wala nahoi kena kaam deya wala hobo lagi koise.
Add Comment