Jowah kali Thandla, Madhya Pradesh jaga deh Nagaland laga Governor toh Government College aro Government Excellence Higher Secondary laga student logode kotha korishe.
Governor Acharya para student khan logode work hard korikena nejor laga goal toh knowledge logode paribole koise. Tai para students logode ‘Game Changers’ hobole aro socially active thakibole janaishe. Tai para student toh society laga asset hobole aro kaam kori thaga hobole janaishe. Culture deh thuri thakibole janaishe aro entrepreneurship opor deh thek positive thakibole janaishe.
Tai para education toh bemari nohoile hoilebi solution ase koikena, student logode nejor laga education kothom korikena community aro society othabole janaishe. Tai para moda aro maike khan nemide education toh ekta sobse kaam laga instrument ase koikena janaishe. Tai para ami khan toh kaam besara wala nahoi kena kaam deya wala hobo lagi koikena janaishe.
Governor Acharya para be teachers khan logode knowledge toh ektum mon dekena student logode debole janaishe. Kelay koile tai khan passed hoi kena olaijaa bechide nejor khaara kori thakibole paribo karni. Governor logode DC, Thandla Shri Prabal Sepeha aro SP, Thandla Shri Mehesh Chand Jain be eki logode thakishe.
Governor of Nagaland toh Thandla jaga deh ase. Tai toh Maharshi Dayanand Sevashram, Vedik Sammelan jaga deh Chief Guest thakikena Golden Jubilee mana deh thakibole ase. Etu Jubilee toh 12th January 2018 deh lobole ase.
Add Comment