Maharashtra te notun 7,243 COVID-19 Cases, 196 mora khobor

Mumbai: Maharashtra te 7,243 notun coronavirus cases paishe aro bemari para 196 manuh mora khobor paishe koishe. Etu melaikena bemari cases toh 61,72,645 hoishe aro virus bemar para 1,26,220 manuh morikena ase, koikena khobor toh health department official para janaishe. Monday saam dak te 10,978 manuh neshina hospital para discharged hoishe, etu melaikena itya bemar bhal hoikena thaka toh 59,38,734 ase koishe. Itya state te 1,04,406 active COVID-19 cases hoikena ase. Maharashtra te COVID-19 recovery rate toh 96.21 per cent ase aro etu samai manuh mora rate toh 2.04 per cent te ase, koikena officials para janaishe. 24 gonda pithor te 1,96,664 tests loishe aro itya dak te 4,43,83,113 coronavirus tests loikena thaka pithor te psotive rate toh 13.91 per cent te ase. Itya dak te 5,74,463 manuh khan ghor te quarantine kori ase aro state pura te 4,607 manuh neshina institutional quarantine te ase koishe. 1,04,406 active COVID-19 cases pithor te Pune district te sobse besi 16,663 cases hoikena ase etu beche Thane aro Mumbai te 16,100 aro 10,611 bemari manuh ase koishe. State capital Mumbai te 454 notun COVID-19 cases thurishe, etu melaikena city te cases toh 7,28,644 pongchise aro 15,644 neshina manuh morikena ase. Mumbai division pithor te Mumbai aro dosura osor satellite towns te 1,444 cases aro 31 manuh mora khobor paishe, etu melaikena jaga te caseload toh 16,18,082 hoishe aro 33,088 manuh mora khobor ase. Nashik division te caseload toh 704 te othishe aro 9 jun mora khobor paishe. Pune division te 2,058 notun cases khobor ase aro Pune te 47 jun mora khobor ase, Satara district ekla te 29 mora khobor paishe. Kolhapur division te 2,514 COVID-19 cases ase 61 manuh mora khobor paishe, etu pithor te 21 manuh mora toh rural jaga Kolhapur te thakishe aro etu samai Ratnagiri aro rural jaga Sangli district te 11 aro 13 jun mora khobor paishe. Aurangabad division te 66 notun COVID-19 cases aro 42  jun mora khobor paishe. Latur division te COVID-19 caseload toh 341 te othishe aro etu jaga te 4 jun mora khobor thakishe. Akola division te 66 notun cases aro 2 jun mora khobor ase, Nagpur division te 50 notun cases paishe aro mora khobor toh thaka nai koishe. Tuesday din 196 jun mora khobor te 48 gonda samai 167 mora khobor ase aro lowa hafta 29 jun mora khobor ase. Maharashtra te Coronavirus cases toh sob melaikena 61,72,645 hoikena ase, Notun cases toh 7,243 ase aro 1,26,220 manuh khobor ase aro bemar para bhal howa toh 59,38,734 ase. Active cases toh 1,04,406 ase aro itya dak te far 4,43,83,113 logot test korikena ase koishe.