Pakistan ISI ke documents share kora te Army 1 jun thurishe

New Delhi: Delhi Police crime branch para tui(2) jun manuh thura te 1 jun toh Army jawan ase koishe. Tai khan para Official Secrets Act pithor te Pakistan Inter-Services Intelligence logot documents share korishe koishe. Army headquarters para koishe ke, documents question share kora toh janishe koishe. Etu khobor jana toh 34 umer old vegetable supplier, Pokhran Army base camp te Army ek jun laga hath para sensitive documents toh loikena Inter-Services Intelligence (ISI) logot janai dey thakishe. Vegetable supplier, Habeeb Khan ke toh Tuesday din Delhi Police para Rajasthan, Pokhran para thurishe, koikena officials para janaishe. Delhi Police’s Crime Branch logot etu khobor toh konuba documents hesab te osor desh logot spy network kori thaka toh janishe. Konuba secret documents toh tai laga hath para paishe aro tai ke Official Secrets Act pithor te case registered korishe, koikena ,” Special Commissioner of Police (Crime) Praveer Ranjan para press conference samai janaishe. Investigation kora samai Army ek jun Paramjit koikena tai toh etu kam te link thakishe. Tai toh puila Pokhran te posted thakishe aro Rehman logot jenikena secret documents toh share koriboli koishe, koikena officer para janaishe, itya Paramjit toh Agra Cantt te clerk ase koikena police para koishe. Police laga khobor hesab te Rehman  laga ghor manuh toh Pakistan’s Sindh te ase aro tai toh etu jaga te jaikena konuba manuh logot melikena spy racket kam te samil ase koishe.