Konoba samoy karne nakheli thakikena wapas court te ahiya te, Saina Nehwal toh World No.21 Pornpawee Chochuwong logote khilaf etiya laga Malaysian open laga first round te harise, etu toh ekta World Series Super 750 tournament ase. Saina Nehwal pora pohoila khel te 22-20 pora jitise, hoilebi dukh paikena 22-20, 15-21, 10-21 pora harise. Saina laga daam besi nathakiya opponent, Thailand laga 21-saal umar Chochuwong, toh 2016 BWF World Junior Championship te silver medallist thakise. Etu din laga aalag matches te, PV Sindhu aro Kidambi Srikanth toh straight games te jitikena round of 16 te jaise.
HS Prannoy toh din laga pohoila match te harikena, etu Malaysia Open laga singles category te Indian challenge toh Sindhu aro Srikanth te gomti hoise.
Saina toh gastroenteritis ola nimite Swiss Open aro India Open te nakhelikena wapas ahikena khelishe, taietu bimar pora dukh paikena jowa mohoina All England Open pura khelise. Wednesday te tai toh bimar pura bhal nahowa nisina dekhise.
Tweibar wala khel te tai biya pora shuru korise, besi points harise aro pura kabu toh opponent laga haat te dise. Teenta wala khel te, etu Indian toh ekbar bi kabu loikena bhal pora khelibole pariya nai aro besi galdi korise.
Sindhu pora World No.20 Aya Ohori ke 22-20, 21-12 pora haraise, aro India Open finalist Srikanth pora Indonesia laga Ihsan Maulana Mustofa ke 21-18, 21-16 pora 38 minutes te haraise. Manu Attri aro B Sumeeth milikena Men’s doubles pair pora shuru laga khel bar koribole pariya nai, China laga seventh seeds Han Chengkai aro Zhou Haodong logote khilaf 16-21, 6-21 pora harise.
Add Comment