Manipur: 3da Militants ke Arrest Kurishe Duita din te

Imphal, August 10, 2025: Yete Ja duita din te. Manipur laga Security Forces khan para operation uthai dishe koishe. Etu toh Militants khan laga upor te. Aru yete alak alak operation te taikhan 3da manu ke arrest kurishe koishe. August 9 din te. Team khan para Wahengbam Kiran Singh (25) ke arrest kurishe. Tai toh Bishnupur District laga Kumbi Thingel Leikai para ase koishe. Aru tai toh PREPAK laga Group member ase koishe. Tai toh Local manu aru Business kurea manu khan ke damki dikina. Poisa mangi thakhishe koishe. Tai laga haat para Mobile Phone paishe koishe. Etu laga agea din. August 8 din te. Manipur Police khan para maiki ekta.  Oinam Soniya Devi (31) ke arrest kurishe koishe. Tai toh KCP laga Group member ase koishe. Taike Imphal West District laga Chingmeirong Maning Leikai para arrest kurishe koishe. Aru etu laga eki din te. Security khan para Kshetrimayum Naoba Singh (28)  ke arrest kurishe koishe. Tai toh Imphal west laga Haobam Marak Irom Leikai para ase koishe. Tai toh tate thakhea laga Doctors khan laga No. toh group manu khan ke di thakhishe koishe. Yetetaikhan para Doctors khan damki dikina Poisa mangibole nimete.