IMPHAL | June 11, 2019: Manipur Legislative Assembly khan para Monday din te local newspaper ke ekta notice phutaishe .Etu bi tai khan para tai khan laga website te ekta video olaikena etu te dikhaishe ki Bihar MLAs laga ekta group khan Moreh laga border town te ekta study tour kura maiki khan logote dance kura lagha thakishe.
Etu video olaijaa pichede Assembly khan para ekta notice aro press release dishe etu news Item thik nai koikena .
June 9 te ekta local newspaper para ekta news item olaishe etu te koishe Bihar Legislative Assembly khan ke dikhishe dance kurikena Moreh laga local maiki khan logote Indo Mayanmar Border osorte.Etu Bihar MLA khan Manipur te tai laga study tour nimete ahise Internal Resource aro Central Assistance laga committee members hoikena . Rashtriya Janata Dal MLA Yaduwanch Kumar Yadav Pipra assembly constituency toh etu committee laga chairman ase .
BJP MLA Sachin Prasad Singh of Kalyanpur constituency, JD(U) MLA of Hasanpur Raj Kumar Rai and RJD’s Raja Pakar MLA Shivachandra Ram Manipur te thakishe tour nimete .
Etu MLAs kun khan May 31 aro June 3 te Manipur te thakishe tai khan Moreh te jaishe June 1 te Centre’s Act East Policy laga development programmes khan sabole nimete .
Etu news item ola pichede etu te video bi thaka toh publication website te etu video toh bishi manu para alag alag websites te report kurishe .
Yadav para etu news toh misa ase koishe.Aro Monday din te Manipur Legislative Assembly khan para ekta chiti phutaishe etu publication khan ke etu video laga kotha kuribole nimete 24 hours bithor te .Etu Assembly khan para bi ekta press release dishe ki etu te thaka manu khan MLA khan nohoi.
Manipur Assembly’s release te koishe etu video te manu khan dikha toh Bihar Legislative Assembly laga MLAs ase koikena tai khan toh MLAS aro Bihar Legislative Assembly laga officials khan nohai.
Aro koishe ki etu news item ola toh thik nai aro etu para dusra jaka para aha VIP khan laga naam bodnam kuri ase Aro etu logote Manipur Legislative Assembly laga naam bi biya kurishe .
Add Comment