IMPHAL, February 11: Imphal city laga jarta maiki bazaar laga dukan malik, ekso opor maa khan, kono Saturday bhujur pora shuru main market complex te buhi kena protest kori thakise, tai khan ghor jabo maani korise.
Activists khan pora koise ki tai khan market complex te Wednesday tak thakibo, etu din te Citizenship (Amendment) Bill, 2016 toh Rajya sabha pora pass koribo phabana ase. Lok Sabha pora toh pass kori dise. Etu toh city laga jakka te Law and Order rakhiya police aro paramilitary personnel nimite matha bekha kam hosie. Khowa pani pabo nimite diktari ase, aro toilets aro bathrooms khan te bi pani nai. Inakkhunbi, ekjun dukan malik, pora koise: “Pani supply nathakiya pora moi khan pani bottle kheniye.”
Shurwat te tai khan laga maksat toh dukan malik khan jotai buhibo phabana thakise. “Hoilebi moi khan market complex te Wednesday tak thakibole fesla korise kile koile Central government toh etu Bill pass koribole ekdam mon dan pora khara ase,” ekjun maiki dukan malik pora koise.
Etu buhi kena protest koriya te hisa lowa konoba maiki pora koise ki thanda raati te besi gorom kabara nathakiya nimite tai kahn besi dukh pai. Health officials pora bhoi koriye ki tai khan besi raati buhile thanda pora bimar olaibo pare.
Activists pora koise ki government pora lekhikena wada koribo laage ki etu Bill pora northeastern region aro Manipur te ekko affect nakoribo.
Manipur Chief Minister N. Biren pora koise ki tai laga government toh etu logote khilaf ase juti state laga manu khan ke pajaibole etu Bill te kanun hala nai koile. Saturday te Biren pora kosie: “Etu bill te clause(ekta kanun) na haliya tak khilaf koribo.”
Opposition Congress pora etu mamla te resolution boanibole Assembly laga ekta special session maangi thakise. MLA aro state unit Congress president Gaikhangam pora koise: “BJP-led coalition government pora special session matibole maana kori thakise aro konoba NE states pora etu mamla te besi dagot pora kadam loise.”
Add Comment