Imphal, March 14 : Pambei para chola United National Liberation Front (UNLF-P) ke arrest kora ke kara para condemn kurikina, bisi alag alag civil society organization (CSO) para Thursday(March 14) laga adha rati para 48 ghonta laga general strike rakhisey.
Thursday din te huwa ekta press conference te media ke kotha kurikina etu Federation of Civil Society Organizationns (FOCS) Manipur laga president Th Manihar para kunba alag organization logotey milikina, FOCS para eku condition nathakikina UNLF laga arrest kurikina thaka 3jun cadre ke release kuribole demand kurisey. Taikhan para etu timing tu Thursday din laga din 12 tak rakhisey.
Etu organization para 1 PM tak rukhisey hoilebi taikhan laga side para eku positive jawab panai. India laga government logotey shanti deal logotey thaka cadre khan ke arrest kora tu swikar kuribole napara laga asey.
Tai para agey barikina koisey ki Wednesday din te resolution luwa hisap te, etu organization tu Thursday laga adha rati para 48 ghonta laga bandh launch kuribole asey.
Etu organization para kara condemnation jataisey kilemaney shanti laga baat-chit kora te shamil thaka 3jun cadre arrest huwa tu peace agreement ke bhanga asey. Etu opor te, etu tu party aro rajya laga manu khan ke majak ura nisna asey.
Manipur government ke condemn kurikina, tai para koisey ki state government para dawa kurisey ki taikhan logotey UNLF Cadre arrest huwa laga eman jankari thakanai. Manipur government laga enaka stand tu swikar kuribole napara laga asey, aro sawal kurisey ki judi etu dialogue te shamil thaka manu khan arrest hoisey koile shanti laga baat chit nimitey kun agey ahibo.
Manihar para koisey ki 48-hour general strike para sob jaruri service ke exempt kuribole asey.
