Imphal, 2 December : Manipur chief minister N Biren Singh para state laga manu ke madishey aro sob stakeholders ke ekta united stand luwoley itu state dey shaanti wapis aniwo karoney.
Manipur chief minister para itu kuisheh kitia tai UNLF laga reception program dey khota kui thakishey kutey ekta peace agreent sign kurisheh government logot olob din agey dey.
Itu event toh Kangla Fort Imphal, Manipur dey luishey Saturday (December 02) dey.
Manipur CM Biren Singh para UNLF ke bhi dhanuobad dishey decades-laamba violence dey shunt kuria karoney aro mainstream dey wapis ahia karoney.
“Manu khan para (UNLF) ke discourage nakurubo lagey shaanti lua karoney jungle khan dey thakibo podli,” kuishey Manipur CM Biren Singh.
Agey dey, Manipur chief minister N Biren Singh para kuishey ki tai ‘grateful’ asey union home minister Amit Shah ke shaanti laga deal karneg kuntu government aro United National Liberation Front (UNLF) maju dey sign kurishey.
Manipur para Valley-based Meitei militant organisation – United National Liberation Front (UNLF) – ekta peace agreement sign kurishey government logot Wednesday (November 29) dey.
Yatey kuwo parey ki UNLF tog sobse purana valley-based armed group asey Manipur laga.
UNLF, kuntu 1964 paishey, Meitei insurgent groups laga sobse prominent group maju dey ekta asey Manipur state dey.
Add Comment