Agencies, November 25: Board of Secondary Education, Manipur (BOSEM) para ahha sal High School Leaving Certificate Examination nemide notun answer script booklet lobo aro examining answer booklet deh notun techniques suru kuribo.
HSLC examination toh ahha sal February 17 direk para March 7 direk tak lobo.
Matriculation examination laga kisha deh BOSEM para etu system toh first time suru korise.
Monday din reporters ke kotha kora time deh BOSEM chairman Th Kirankumar koise, etu par students laga registration, answer booklets, answer examiners aro examination deh notun putli kuribo. Exam appear kuribo nemide registration be online suru korise.
BOSEM para online registration process nemide motob lakiya schools ke motob debo. Etu para last minute registration nemide chamela thaga kothom hobo.
Online registration nemide training toh November 26 direk para suru korio.
Students laga registration toh December 1 to 23 2019 tak thakibo. Etu toh monetary fine nathakikena aro fine logode toh January 5, 2020 tak thakibo. Etu bechide registration toh bondh hobo.
Registration thek samai deh kothom kuribole opor deh BOSEM chairman koise, etu par examination toh notun booklet portrait format deh thakibo aro lined paper aro margins jolabo. Poila toh landscape booklet logode blank paper jola thakise. Mathematics nemide answer sheet toh blank logode graph sheet thakibo. Etu putli kora toh hoile students laga answer sheets thek thakibo nemide ase.
Add Comment