Imphal, February 28 : Manipur laga Imphal West laga Additional SP laga opor te hamla kora laga latest khobor te, West Imphal police commando khan para protest kurikina taikhan laga hathyar surrender kuridisey. Aro rajya te gondogol olai thaka majotey
Sources para confirm kurisey ki etu ghotna te, etya tak eku arrest koranai.
200 maan hathyar bukhikina thaka badmash khan gari te ahikina, Additional Superintendent of Police, Moirangthem Amit Singh, MPS, s/o Dr. M. Kulla Singh kun Imphal East District laga Porompat PS laga under te thaka Wangkhei Tokpam Leikai te bohey.
Hathyar bukhikina thaka badmash khan para tailaga ghor laga saman khan tor for kurisey. Jankari pa picheyte, additional security forces khan jaga te pungchisey. Police para etu laga jawab te action luwa te Rabinash Moirangthem (24 years laga) aro Kangujam Bhimsen (20years laga) taikhan duijun jokhom paisey aro taikhan ke Porompat laga JNIMS Hospital te admit kuridisey.
Etu ghotna chuli thaka majotey, Additional SP aro tailaga ekjun rakshak ke hathyar bukhikina thaka badmash khan para kidnap kurisey. Taikhan ke picheyte, Kwakeithel Konjeng area para bachaikina Raj Medicity te ilaj kuribole nimitey admit kuridisey. Etu mamla te ekta case register hoisey aro investigation suru hoijaisey.
Etu majotey, NH-37 aro NH-02 te jaruri saman khan bukha 341 aro 335 gari ke aha juwa kuribole disey. Sob khatra thaka area khan te strict security measure loisey aro gari khan ke free aro suraksit para aha juwa kuribole dibole nimiteystrict security aro security convoy(gari) disey.
Manipur laga alag alag District te, total 140 Nakas/Checkpoints dhalisey. Pahar aro plain area te bi. Aro police para rajya laga laga alag district te kanoon bhanga laga connection te 212 manu ke arrest kurisey.
Add Comment