Imphal, April 19 : Imphal East district laga Khurai assembly segment under te thaka Moirangkambpu jaga te Friday din laga 2pm fale ekjun nachina manu para khula khuli guli mara homoitey ekjun vote dhalibole aha bura manu ke guli marisey.
Police para koisey, etu guli mara laga ghotna te shamil thaka 3jun manu ke ekta chutu bunduk aro live guli logotey arrest kurisey.
Etu bura manu laga left chest te guli titya lagisey jitya badmash khan laga ekta group para Moirangkampu te voting chuli thaka ke disturb kurisey.
Etu jokhom kha manu ke logalog ilaj nimitey osor laga hospital te loijaisey.
Manipur laga duita Lok Sabha seat laga first phase election tu Friday din te hoisey aro etu te voter aro election official khan majotey disturb kuridiya laga gondogol hoisey.
Inner Manipur parliamentary constituency laga bisi alag alag jaga te hathyar bukha manu khan para guli mara mari huwa, Electronic Voting Machine bhangaidiya aro vote dhal ate disturb kora laga ghotna olaisey.
Voting diya homoitey gondogol aro disturbance huwa tu Thamnapokpi, Iroisemba, Khongman Zone Five aro Moirangkambpu te hoisey.
Arrest huwa manu aro tailaga haath para seize kora hathyar ke agey kanooni action lobole nimitey utu jaga laga police station te hand over kuridisey. Hoilebi, additional security forces khan laga enforcement para etu report file kora homoitey voting chuli thakisey.
Add Comment