Guwahati, April 19 : Assam te Lok Sabha election laga first phase te, Dhakuakhana aro Deragaon para 1,000 opor vote diya manu khan para election ke boycott(ban) kuridisey. Taikhan para koisey ki taikhan laga jaga te development laga kami asey
Dhakuakhana aro Dergaon duita te bi polling booth(vote diya jaga) tu ekdam asurit para khali thaka dikhisey. Gusa uthikina thaka voter khan rasta te olaikina taikhan laga jaga para election lara candidate laga khilaf te banner dikhaisey aro nara lagaisey. Voting station khan te voter khan mojud nathaka tu safa para dikhibo parisey. Aro vote diya laga process te ekjun voter bi bhak nuluwa laga reports olaisey.
Dhakuakhana laga Ghilaguri area te voter khan khusi napaikina thaka tu aani para dikhibo parisey. Voter khan para utu area te aha juwa kora laga halat tu ekdam biya asey koikina taikhan laga dukh janaisey. Taikhan laga leader laga laparwahi te finger point kurikina, local manu khan para kuntu candidate ke bi vote nadhalibole kosom khaikina taikhan khusi napaikina thaka tu jataisey.
Ghilaguri polling station te taikhan para boycott kuri asey koikina dawa kora ekta banner lagaisey, kotey total 538 voter khan ke vote dhalibole expect kuri thakisey. Hoilebi, voting center te ekjun voter bi ahanai.
Dhakuakhana aro Dergaon duita te bi protest huwa para vote dibole thaka manu khan majotey ekdam bhitor para gusa uthikina thaka tu dikhaisey. Kun khan development laga behes chuli thaka te nijor ke komti aro nazarandaz kuridiya nisna mehsoos kurisey.
Add Comment