Imphal, April 19 : Imphal East laga Khongman jag ate thaka ekta voting station te hathyar bukhikina thaka badmash khan para hamla kora picheyte komsikom 3jun manu jkhom hoisey.
Voting station te police official aro political party laga agent khan mojud thaka laga bawajut bi etu badmash khan tu bisi vote dibole thaka manu khan laga jaga te vote dhalibole agey barisey.
Etu ekdam biya aro asurit kuridiya laga harkat kora laga khobor pa picheyte, etu jaga laga gusa uthikina thaka manu khan Khongman Zone 4 laga National Children’s School campus te joborjosti gusisey, kotey voting station number 5 by 31 asey, aro tatey gusikina Electronic Voting Machine (EVM) aro Voter Verifiable Paper Audit Trail (VVPAT) machine ke bhangaidisey.
Public para etu hathyar bukhikina thaka badmash khan ke condemn kurikina taikhan ke ekjun candidate ke jitabole nimitey proxy voting dhala laga iljam lagaisey.
Khongman Zone 5 voting station te bi etu nisna ekta ghotna hoisey. Etu voting station tu voting station 5 by 31 para 200 metre maan duri te asey.
Add Comment