Aizawl, April 19 : Mizoram Chief Minister aro Zoram People’s Movement (ZPM) leader Lalduhoma para Friday din te aro ekbar koisey ki judi Lok Sabha election te tailaga party laga candidate elect hoisey koiley tailaga party tu independent thakibo aro Centre te kuntu alliance te bi join nukuribo.
West Aizawl laga Chawlhhun area te tailaga vote diya picheyte reporter khan ke kotha kora homoitey, Lalduhoma para koisey ki tailaga party tu nahi BJP para chola National Democratic Alliance (NDA) ke join kuribo aro nahi Indian National Developmental Inclusive Alliance (INDIA) ke join kuribo.
Tai para jor dikina kosiey ki judi ZPM candidate Richard Vanlalhmangaiha elect hoisey koile taikhan laga party tu tu ekta regional party hoikina independent hoikina thakibole mon asey aro Centre te thaka alliance(gatbandhan) laga control para free thakibole mon asey.
Etu Chief Minister para koisey, “Amikhan nahi NDA aro nahi INDIA bloc join kuribole asey. Amikhan para amikhan laga identity maintain kurikina rakhibole mon asey. Amikhan tu amikhan ke New Delhi para control kuribole dibole mon nai. Amikhan tu kuntu mamla te hoilebi yatey para independent faisla lobole mon asey.”
Etu poila te IPS officer thakikina politician hoija CM para Lok Sabha polls te tailaga party jitiboel asey koikina confidence bi jtaisey.
Tai para dawa kurisey ki tailaga party para public laga support paisey aro election te contest kora dusra party khan laga mukabala te ekta bhal candidate ke field kurisey.
Add Comment