Guwahati, April 18 : India Meteorological Department (IMD) para next 4 din te India laga Northeast region nimitey warning aro prediction issue kurisey.
IMD para kosiey ki next 4 din te Northeast laga rajya kahn te cyclone aro barish chuli thakibo.
April 19(Friday) te Arunachal Pradesh, Assam, Meghalaya, Nagaland, Manipur, Mizoram aro Tripura laga bisi bhak area te halka para loikina normal barish hobole asey.
April 20 te bi etu ekey pattern chulibole asey. Opor te mention kora rajya khan te barish giribole expect kuri asey.
April 21 te, Arunachal Pradesh, Assam aro Meghalaya laga bisi bhak jaga te pani giribole asey. Aro Nagaland, Manipur, Mizoram aro Tripura laga alag alag area logotey halka para loikina normal barish experience kuribole asey.
Last te, April 22 te, Arunachal Pradesh, Assam aro Meghalaya laga bisi bhak jaga khan te halka para loikina normal barish hobole laga sambhavna asey. Nagaland, Manipur, Mizoram aro Tripura laga bisi area khan bi enaka ekey condition experience kuribole asey.
IMD para etu bi mention kurisey ki etu condition tu thunder-tufan aro lightning laga warning logotey ahi asey kuntu toh pura 4-din Assam, Meghalaya, Nagaland, Manipur, Mizoram aro Tripura laga isolated jaga(main area para dur thaka jaga) khan te hobole expect kuri asey.
Etu jaga khan te 30-40 kilometre per hour laga jordar hawa bi ahibole asey.
Etu opor te, Arunachal Pradesh, Assam aro Meghalaya laga dur ilaka khan te dangor pani giribole nisna asey.
Add Comment