Meghalaya, 22 April : Manipur laga ekta banned militant group Kangleipak Communist Party (People’s War Group) laga self-styled finance secretary ke Meghalaya laga Ri-Bhoi district pora dhori luisey, police Tuesday din janai dise.
Paka khobor pa ki, kal rati Assam aru Meghalaya laga border laga najik thaka Byrnihat area te counter insurgency raid chalaisey.
Raid te Khundongbam Herojit Meitei namor ekjon manu ke ekta bhara luwaka house pora dhori luisey, district laga Superintendent of Police (SP), V S Rathore, PTI ke koi dise.
Tai laga ghor pora duita mobile phone aru dangor proof khan uthai luisey, aru eneka te ulake arrest korisey, SP janai dise.
SP laga kotha hisab te, interrogation te Herojit mani luisey ki tai Kangleipak Communist Party (KCP-PWG) militant group laga member ase, aru 2023 te Manipur te hoba violence te bhi tai log ase. Tai group laga naam te manu pora taka ulaiki thakise buli bhi ulai asey.
SP koise ki, Herojit primafacie Assam-Meghalaya border te lukai thaki thakise jate security forces pora dhori na lobo paribo, karon aji kali Manipur te law & order problem tola militant groups khan upor te khub strict action luisey.
SP etu bhi koise ki ei militant leader Myanmar aru Nepal based armed groups logot milaiki India te terror failabo laga criminal conspiracy te bhi involve thaka suspect ase.
Last year bhi ulake Manipur te illegal firearms thaka karone arrest korisey.
Tai 2018 te Dimapur te bhi dhori luisey ekta drug trafficking case te.
SP koise ki Nongpoh Police Station te ekta case register korisey aru pura investigation cholise.
Tai laga group KCP-PWG ke Unlawful Activities (Prevention) Act 1967 laga section 35 under te India upor war chalu kori thaka group hisab te banned korisey.
Add Comment