Imphal, August 6, 2025: Manipur laga Security Forces khan para. Bitor manu laga tarika aru Criminal khan ke duribole kushish kurea ase koishe. Aru ja duita din nishina te. Taikhan para manu khan kebi arrest kurishe koishe.
August 5 din te. KYKL laga Group member Sagolsem Hemanta Singh (41) toh Imphal West District laga Phumlou Keiroi Maning Leikai para ase koishe. Aru taike tai laga ghor para arrest kuri dishe koishe. Khobor laga hisab te. Singh toh alak manu ke bisari thakhishe koishe. Yete tai laga group te ani dibole nimete.
August 4 din tebi. Imphal laga East laga alak alak jaga para duijun ke durishe koishe. Etu toh alak alak operation te ase. Yete Ningombam Abung Meitei (50) toh Huidrom Awang Lekai para ase koishe. Aru taike Pourabi Hidumbi para arrest kurishe koishe. Aru Ningthoujam Konungjao Meitei (33) toh Keibi Khulen Makha Leikai para ase koishe. Taike toh ta laga ghor para durishe koishe. Security Forces khan para 9mm laga pistol aru Magazine, Duita guli, Vespa Scooter, duita Mobile Phone aru Aadhaar card paishe koishe Operation kurea homoi te.
Add Comment