Imphal, April 22 : Election duty nimitey assign kora bisi Manipur police para Monday din te Imphal te ekta protest rakhisey aro Tamenglong district te taikhan laga duty te wapas jabole mana kuridisey. Tamenglong district te Outer Manipur Parlaimentary Constituency nimitey April 26 te election hobole asey, etu tu scheduled tribe nimitey reserve kurikina asey.
Meitei community laga police khan tu Tamenlong district te election duty jabole taikhan laga jaan nimitey bhoi khai asey. Kilemaney Tamenlong district te jabole karney taikhan Kangpokpi district par kuribo lagibo kuntu tu Kuki khan laga jaga asey.
Manipur te Kuki aro Meitei majotey larayi khagra huwa te 222 manu including 9jun police laga jaan jaisey.
Manipur government para Tamenlong district te hobole thaka election nimitey 260 police ke duty kuribole laga order disey, kuntu majotey 197 police tu Meitei community para asey.
Monday te, etu 197 Meitei police parfa Ghanapriya Women’s College, Imphal laga ageyte protest kurisey.
Tamenlong te election duty dikina thaka police khan para kosiey, “Amikhan tu amikhan laga duty kuribole mana kora nohoi. Amikhan para officials khan ke khatra komti thaka district nohoilebi jaga te election duty dibole request kuri asey.”
Second phase election nimitey, Manipur te voting tu April 26 te 8ta district laga 13 jaga te hobole asey.
Inner Manipur Lok Sabha seat aro Outer Mnaipur LOk Sabha seat nimitey first phase election tu April 19 te hoisey kuntu te 72% voting hoisey.
Outer seat nimitey total 4jun candidate- Indian National Congress, Naga People’s Front aro duita independent candidate contest kuri asey.
Add Comment