Imphal, April 23 : Ekta disturb kuridiya laga ghotna huwa te, Mnaipur laga Inner Parliamentary Constituency laga 11 voting station te nutun voting huwa homoitey, Indian National Congress(INC) candidate Dr. Angomcha Bimol Akoijam ke represent kora duijun polling agent(vote diya homoitey duty te thaka manu) tu dhomki khaisy. Etu ghotna tu Monay din te hoisey. Aro etu ghotna para voting huwa process laga suraksa aro sacchayi opor te chinta uthaidisey.
Manipur Pradesh Congress Committee (MPCC) laga working president, Kh Devabrata para kuwa hisap te, Khurai AC jaga laga Moirangkampu Sajeb Upper Primary School aro S Ibobi Primary School te duty thaka duijun polling agent ke knda manu khan para dhomki disey. Ajitkumar koikina ekjun polling agent ke ekta mobile number para call ahisey, kotey call kora manu para taikey nuksan pungchabole laga bhoi khilaidiya dhomki disey. Etu nisna Ningthoujam Sheetalaxhmi ke bi tai Moirang Kampu Upper Primary School Polling station te tailagaduty kurithaka homoitey tailaga family member laga through dhomki paisey.
MPCC para etu mamla ke loikina logalog Returning Officer(RO) ke ekta written complaint file kurisey aro doshi khan ke arrest kuribole nimitey teji para action lobole aro affect hoikina thaka manu ke nyaya dilabole request kurisey. Devabrata para etu harkat ke condemn kurikina authorities khan ke etu mamla ke urgent para address kuribole koisey.
Ageybarikina, Devabrata para BJP ke Lok Sabha election chuli thaka homoitey, vote logotey garbari kora, voting kora booth ke kapja kora, Electronic Voting Machines (EVMs) ke biya kuridiya laga ekdam biya harkat kora laga iljam lagaisey.
Etu iljam khan lagaikina, MPCC para authority ke ekta complaint submit kurikina Inner Mnaipur PC laga 36 voting station aro Outer Manipur PC laga11 voting station te aro nutun voting kuribole koisey. Hoilebi, Election Commission of India (ECI) para khali Inner Manipur constituency laga 11 voting station te hey nutun voting kuribole laga notification issue kurisiley.
Add Comment