Imphal, April 24 : Suspected Kuki militant khan para ekta IED phutaisey. Kuntu para Manipur laga Imphal aro Nagaland laga business hub Dimapur ke connect kora National Highway 102 te aha juwa kuri thaka dangor gari ke bukha bridge barbad kuridisey. Etu ghotna tu Wednesday din te hoisey.
Suspected atangwadi khan para etu bomb blast tu enaka homoitey kurisey jitya Mnaipur tu Outer Mnaipur Parliamentary seat nimitey Lok Sabha election laga second phase nimitey tayar hoi asey. Etu seat tu scheduled tribe khan nimitey reserved asey. Aro etu election tu April 26 te hobole asey.
Officials khan para koisey, Mnaipur laga Kangpokpi district laga National Highway 102 te thaka Supermeina aro (Koubru) Laikha majotey thaka ekta hill slope drain opor te banaikina thaka ekta bridge tu pura puri barbad hoijaisey jitya Wednesday laga phujur fale etu bridge laga rasta fale rakha ekta IED phutisey.
Etu blast laga impact tu eman jor thakisey ki osor fale thaka church aro ghor khan barbad hoijaisey.
Assam para Imphal te Nagaland laga rasta para aha juwa kora 300 saman bukha truck tu Manipur-Nagaland border laga NH 102 te fasikina asey.
Etu mamla te government authorities khan para blast huwa laga iljam tu Kuki tribe laga hathyar bukhikina thaka atangwadi khan laga opor te dhalisey, etya tak kun underground group para bi etu mamla te taikhan laga responsibility claim koranai.
Hoilebi, police para etu area te security baraidisey aro mujrim ke bisarikina olabole nimitey talashi loi asey.
Add Comment