Imphal, May 24, 2025: Manipur te Law Inforcement khanMay 22 aru May 23 din te Operation kurishe koishe. Yete Police aru Security Forces khan para State laga pura jagate operation kurishe. Yete taikhan drugs khan bidurishe, Militants kebi arrest kurishe aru Security bi uthai dishe koishe.
May 23 din te. Policekhna para Chigenvung (46) ke arrest kurishe tai laga ghot para. Etu toh Churachandpur District e. Aru 25 sabun daba durishe. Yete Brown Sugar ase koishe 289 grams laga. Aru Rs 8 lakh cash bi durishe koishe. Aru Mobile Phone bi.
Aru May 22 din tebi. Security Forces khan para Doukholet Hanghal (52) ke arrest kurishe. Etu toh Churachandpur PS laga Mongkot Khopi Boti para. Etu operation para taikhan 870 grams laga Brown Sugar paishe koishe. Etu toh Rs 1.74 lakh laga daam ase koishe. Aru Yete 260 Grams Heroin drugs paishe koishe. Aru etu bi Rs 52 Lakh laga daam ase koishe. Aru Rs 29.5 lakh Cash nishina paishe koishe. Yete taikhan laga haat para Baofeng Radio set aru Mobile phone aru Aadhaar Card bi paishe koishe.
Aru alak operatrion te. PREPAK laga Group Member ke arrest kurishe. Tai toh Jameson Ngangbam (21) ase koishe. Tai toh Imphal West District para ase koishe. Taike Kamjong District lafa Taret River para arrest kurishe. Authorities khan para tai laga haat para 9mm pistol aru choita Guli paishe koishe.
Aru alak operation te. Police khan para gari laga window glass kala rakhea khan toh hatai dishe koishe. Security Forces khan para Hills aru Valley Districts khan te operation khan kurishe koishe. Yete taikhan sob milai kina 112 Checkpoints nishina dali dishe koishe State pura te. Aru yete 11 manu nishina durishe koishe Routine check kurea homoi te.
Add Comment