April 14, 2025: Security Forces aru Police khan Mili kina Operation kurishe koishe Manipur te. Yete taikhan bia kaam kurea khan, Drugs kurea khan, damki deakhan aru chor manu khan ke durishe koishe. Etu operation para taikhan alak alak groups manu kebi durishe. Aru taikhan bi banduk aru Guli khan, drugs khan aru damki dikina poisa ppala khan bi sob durishe koishe.
Imphale East te. Manipur Police para Ahanthem Rajesh ke Durishe. Tai toh UNLF para ase. Tai toh manu ke damki di thakhishe. Aru tai laga Haat para Beretta Pistol aru 15 guli aru Duita Mobile phone paishe koishe.
Alak Operation te. Aru UNLF laga member, Laishram Ramesh Singh (44) ke durishe koishe. Taike tailaga Ghor parahe arrest kurishe. Tai toh imphal jaga laga Government Officials khan ke damki di thakhishe koishe. Tai laga haat para duita phones aru damki dikina poisa loa laga Rs 21.5 lakh paishe koishe.
Tengnoupal District te duita manu – Khaiminlen Lupho (36) TOH Mumpi Bosti para ase. Aru Boipu Gangte (40) toh Moreh Ward no. 9 para ase. Yete Security forces khan para tai dujun ke arrest kurishe. Tai dujun toh manu nathakhea laga ghor para CGI Sheets toh chor kuri thakhishe koishe.
Aru Imphal West, Police khan para Kamal Hussain (44) ke arrest kurishe. North AOC jaga para. Yete tai laga haat para 1.013 kg brown sugar toh paishe. Aru charta dab ate 0.93 grams heroin bi paishe, mobile phone aru Identity documents bi paishe koishe. Aru Tamenglong District tebi, Security khan para duita sabun daba te Heroin powder paishe. Etu toh 70-80 grams nishina ase koishe.
Add Comment