April 16, 2025: April 14 aru 15, 2025 te. Manipur laga alak alak jagate Operation kurishe. Yete Security Forces khan para 11 manu ke durishe. Aru taikhan toh sob alak alak group para ase koishe.
April 15 din te. Security Forces khan para Charta KCP laga group ke arrest kurishe. Taikhan ke Salungpham Mamang Leikai para durishe. Taikhan laga nam toh. Md. Saruk Khan (34), Sangomsumbam Akhter Ahamed (29), Kongjengbam Kumarjit Singh (41), Laishram Joymangol Singh (47) ase koishe. Taikhan toh Thoubal District laga. Etaa, Banks, Hospitals, Schools, Colleges, patrol station, dukan, contractors aru stone crushers khan ke. Damki dikina poisa khan mangi thakhishe koishe. Taikhan laga haat parabi, ekta .32 Pistol aru magazine. Aru 3da gui, 3da 36 HE Hand Grenades, Pasta Mobile, ekta Gari aru Duita bike nishina paishe koishe.
Aru alak Operation te. Manipur Police khan para SOREPA laga group manu ke durishe koishe. Etu toh Imphal East District laga Waithou Chiru para durishe koishe. Taikhan toh Leishungbam Lenin Singh (31), Yumkhaibam Lukhoi Singh (32), Sagolsem Dinesh Singh (25) ase koishe. Taikhan bi Yairipok jaga para Schools khan te, Damki mari kina Poisa mangi thakhishe koishe. Taikhan laga Haat para 3da Mobile Phones, ekta bike aru alak articles khan bi paishe koishe.
Aru Imphal West te KCP member kebi durishe. Indo-Myanmar Border tebi UNLF member ke dureishe koishe.
Add Comment