Agencies, 19 August: Congress para resign howa five Manipur MLAs toh Wednesday din BJP te join hoise. Join howa khan majode CLP leader aro former chief minister Okram Ibobi Singh laga nephew Okram Henry Singh be melikena ase. Party’s national general secretary Ram Madhav, national vice president Baijayant Panda aro Manipur Chief Minister N Biren Singh toh present thakise.
Six Congress MLA para Assembly para resign hobo nemide resignation toh August 10 te deya thakise aro tai khan August 11 te party chara thakise. Tai khan toh eight C
Congress legislators majode ase. Jowa hapta tai khan party te challenge korikena assembly laga one-day session te hishaa nalowa thakise.
Choita manu toh Okram Henry Singh, Oinam Lukhoi Singh, Md Abdul Nasir, Ngamthang Haokip, Ginsuanhau aro Paonam Brojen ase.
Manipur te Congress toh 2017 polls bechide 60-member Manipur house laga te total 28 seats jitikena single largest party ola thakise. Etu te member toh samai-samai te hatijaa thakise.
Election bechide, ekta legislator Thounaojam Shyamkumar ke toh anti-defection law pithor te disqualified kora thakise kelay koile BJP te join howa nemide.
Aro tinta Congress MLAs – Kshetrimayum Biren Singh, Yengkhom Surchandra Singh aro Sanasam Bira Singh ke toh speaker para Manipur Assembly laga membership para disqualified kora thakise. Chief Minister logode etu choita mela toh list te sobse notun mela laga ase.
Add Comment