Manipur Te Jamala Ula toh Duita Maiki Ke Murai Dishe Koishe

Imphal/Guwahati/New Delhi, November 10, 2024: Ja duidin Manipur te duita maiki ke banduk para murai dishe koishe. First jamala te, Thursday din te, maiki Hmar laga Tribe ke banduk para mari dishe, raped aru jui para julai dishe koishe Jiribam District te, Yete Meitei khan ke Suspect kurea ase. Aru etu toh maikilaga muta para case filed kurishe koishe Police khan ke. Aru alak te, Maiki ekta Meitei manu kebi banduk para murea dishe, yete Kuki khan ke suspect ase koishe, etu maiki toh Saturday din te,  kheti te kam kurea homoi te Banduk para murai dishe koishe, Bishnupur laga District te. Police para koishe ki, tailaga muta aru 3da bacha ase koishe. Aru Jiribam te, 31 saal maiki ekta aru tailaga 3da bacha toh ghor bitor te thakhishe koishe. Aru suspected Meitei manu khan ghor toh julai dishe koishe. Dangor Protest toh olaishe koishe Kuki-dominated jagaKangpokpi aru Churachandpur District te, taikhan etu maiki ke raped aru Jiribam te murai dea nimete aru tailaga family nimete Justice mangea ase koishe. Aru Meitei khan bi kheti kurea ke murai dea nimete protest jai ase koishe. Kuki tribe aru Meiteis khan toh ja saal May 2023 para larai kurea toh etea tak bi kurea ase koishe. Bishi bak toh mati aru Political representation nimete ase koishe.