IMPHAL | August 23, 2019: Manipur te komti hoilebi choijun manu etu te duita police personnel khan jhokom paishe.Etu bi Lamphel Thursday din te police khan para protestors khan uporte tear gas aro mock bombs khan marikena.
Locals khan para Joint Action Committee meeting loishe etu bi Moirang laga maiki ke Saturday din te phasi lagaikena murikena paa pichede .Committee koishe etu tai ke muraidishe.
Thursday din te tai khan para protest rally kurishe Langol Taurung para Lamphel tak.Police khan para tai khan laga way bondh kuridishe Lamphel laga fishery department osorte etu time te jakara khan olaishe.
Crowd khan ke control kuribole nimete police khan para tear gas shells aro mock bombs fire kurishe .Etu chamela huwa time te charta protestors aro duita cops jhokom paishe. RIMS hospital te duita protestors ke luijaishe.
Sources koishe ki etu duita cops toh jhokom paa toh tai khan laga osorte mock bombs phatikena hoishe .Wednesday te eti pressure group para chief minister N Biren Singh, ke memorandum dishe aro koishe etu case toh CBI ke dibi koikena janaishe.
Add Comment