AGARTALA , August 23, 2019 : Tripura government khan para state laga educated youths khan ke mondangor kuribole UPSC examination crack kuribole nimete ekta exemplary decision loishe .
State government khan manishe etu aspirants khan ke scholarship dibole nimete kun khan UPSC examination prepare kuribole tayari kuri ase .
Thursday din te State Cabinet khan para scheme ‘Lakshya’, a scholarship programme approve kurishe .Etu programme toh State education minister Ratan Lal Nath para kotha kurishe.
Tai koishe etu scheme para state higher education department khan UPSC aspirants khan ke modot kuribo.
Minister koishe UPSC aspirants khan kun khan tayar kuri ase examination crack kuribole nimete aro kun khan IAS, IPS, IFS and IRS examination laga coaching loi ase state laga bahar te Rs one lakh laga scholarship dibo preliminary stage khotom huwa pichede .
Minister aro koishe next level te bhal para main examination khotom kurikena eytu aspirats khan state government khan laga haath para Rs 20000 pabo.
Ratan Lal Nath koishe ki etu poisa toh tai khan bahar te thaka nimete dishe.Tai khobor dishe ki etu aspirants khan kun khan ‘Lakshya’ scholarship pabole nimete tai khan laga family annual income Rs 10 lakh para komti thakibole lageh.Tai aro koishe candidates khan etu facility toh dui bar pabo.
Ratan Lal Nath koishe education toh state government laga main priority ase aro government khan students khan ke national level laga administration field te anidibole mun ase .State laga cadres laga number toh alag alag cadre service te bishi biya ase.
Add Comment