Imphal, January 23 : Tuesday(January 23) te Manipur te Zeliangrong Naga laga sobsey dangor tyohar Gaan-Ngai manaisey. Zeliangrong Naga manu khan tu Manipur, Assam aro Nagaland te bohey. Etu tyohar te Joupan Keikhang laga koikina ekta ritual kurisey. Joupan Keikhang tu enaka ritual asey kuntu te taikhan laga Isor ke pavitra sharab(holy wine) offer korey. Aro etu picheyte Mai-Lampei (kuntu te pavitra jui ke extract korey) aro Ho-Hoing (bhagwan ke prathana kora) laga ritual kurisey.
Etu tyohar tu poila te kurithaka nisna ek hapta lamba celebration nukurikina Tuesday din te ek-din pura manaisey. Aro etu tu rajya te jhamila chuli thaka nimitey aro curfew chuli thaka nimitey asey.
Etu state-level Gaan-Ngai Festival-2024 tu Tuesday din te Manipur laga Noney district laga Longjang busti te hoisey kuntu te Zeliangrong community laga amir culture jaiseki purana gana, traditional drum-beating, cultural dance khan dikhaisey.
Etu tu harvest picheyte kora laga tyohar asey jitya pura busti laga gehu store kora jaga tu sob kheti laga kaam para mukt thakey. Manu khan tu jashan mania aro Isor ke puja korey aro ritual farewell laga roop te murija manu khan ke somman diye.
Etu tyohar tea lag alag ceremony aro rituals khan shamil asey aro etu te sobsey jaruri hisa tu Tingkao Rawang(Sobsey dangor Isor) ke puja kora tu asey.
Gaan Ngai 2024 nisna dangor occasion te Governor Anusuiya Uikey aro Chief Minister N Biren Singh para Manipur laga manu khan ke taikhan laga greetings aro subhkamna janaisey.
