Manu kan Amritpal Singh keh jail para release kuri bo mun jai, baba para kui shae

July 6, 2024: Jailed Waris Punjab De activist Amritap Singh laka baba Tarsem Singh para Friday din deh, manu kan taila bacha keh jail para release kuri bole mun jai kui shae. Amritpal, kun agae deh kotom hua Lok Sabha election 2024 deh MP elect hui shae, taike Delhi deh ani ase, taila swearing-in karne, ekta official para Friday din deh kui shae. “Mui taike mili shae( Amritpal Singh) June 8 din deh, tai Lok Sabha election jita piche deh. Manu kan taike kushi paui. Taikan, Amritpal keh, jail para olai dibo mun jai. Taila responsibility kan tho kuri bole opportunity pabo karne,” Tarsem Singh para news agency PTI keh kui shae. Controversial activist keh tho, jua sal laka April mohina para, Dibrugarh Central Jail deh lodge hui nah ase, National Security Act pitor deh. Ekta crackdown hua piche deh, taila outfit laka tostha members kan keh arrest kuri di shae, Punjab laka alak alak jaka para. Amritpal, tai itia four-day parole deh ase, taika swearing-in ceremony krarne. Taike, Punjab laka Khadoor Sahib constituency para MP elect kuri nah ase taike. Tai, Congress laka Kulbir Singh Zira keh harai di shae 1.97 lakh votes para.