New Delhi, April 21 : Actor aro Miss World 2017 Manushi Chillar, kun ‘Bade Miyan Chote Miyan’ te thakisey, tai para Sandeep Reddy Vanga laga ‘Animal’ film te Rashmika Mandanna laga role ke shoutout disey. Ekta nutun interview te, Manushi Chhillar para etu blockbuster film te Rashmika Mandanna laga role kuribole iccha thaka tu jataisey.
Zoom logotey kora ekta interview te, Manushi ke taikey Geetanjali(Animal film te Rashmika Mandanna laga character) laga role offer kora laga rumours(akhwa) chuli thaka laga hudisiley. Etu ke jawab dikina Manushi para koisey ki kaash tai etu rumour chuli thaka laga janikina thakisey. Jitya agey barikina tai Triptii Dimri aro Rashmika laga character portray kuribole thakisey na nai koikina hudisey, Manushi para koisey, “Ami taikey(Sandeep Reddy Vanga) ke khusi pai. Rashmika Mandanna aro Triptii Dimri duijun laga role bi bisi interesting asey. Hoilebi ami Rashmika laga character khusi paisey. Etu pura duniya, kotey mota khan ek-dusra logotey larayi kuri asey, tai nijor laga ground te hosa te bi khara thakisey.”
Manushi para agey barikina koisey, “Geetanjali(Rashmika) para hosa bi ekjun mota ke confront(amna-samna) kurisey. Tai para mota ke tailaga golti nimitey doshi theraikina jawab mangisey. Geetanjali(Rashmika) para koisey(film te), ‘Apni kun asey, bahar te ki kuri asey aro apni kiman khatarnak hobo parey etu kahn amike eku lena-dena nai. Hoilebi apni moilaga mota asey aro ami para apni ke golti nimitey jawab mangibo.’ Tailaga character te ekta arch thakisey. Ami laga hisap te etu tu ekta bisi bhal moka thakisey aro tai bisi bhal kaam kurisey. Toh,ami etu role kuribole bisi khusi pabo thakisey.”
Add Comment